Latest Jummah

Ash Sheikh Fiyas(Najahi)

Galle, China Garden Jumua Masjith

2014.04.18

Ash Sheikh Rifas(Bari)

Galle, Dangadera, Badr Jumua Masjith

2014.04.18

Ash Sheikh Anfas Mufthi(Deobandi)

Colombo10, Maligawathe, Masjithul Salaam Jumuah Masjith

2014.04.11

Ash Sheikh Rizwe Mufthi(Binnoori)

Dehiwala, Muhideen Jumua Masjith

2014.04.18

Ash Sheikh Raamis Razeen(Kashify)

Collombo03, Kollupitty Jumua Masjith

2014.4.18

Ash Sheikh Razath(Sarqi)

Addalaichenai, Grand Jumua Masjith

2014.04.18

Ash Sheikh Nihar Mufthi(Khiliri)

Galle, Kanampittya Masjithun Noor Jumua Masjith

2014.04.11

Ash Sheikh Imran Hassan(Nulari)

Kandy, Mahaiyawa, Jamiul Khairath Jumuah Masjith

2014.04.11

Ash Sheikh Fazil(Thableeqi)

Pottuvil, Grand Jumua Masjith

2014.04.11

Ash Sheikh Jazahir(Dheeni)

Panadura, Gorakana Jumuah Masjith

2014.04.11

Ash Sheikh Rizwe Mufthi(Binnoori)

Collombo03, Kollupitty Jumua Masjith

2014.04.11

Ash Sheikh Hassan Fareed(Binnoori)

Dhehiwela, Junction Jumua Masjith

2014.04.11

Ash Sheikh Kalamullah(Rashadi)

Addalaichenai, Grand Jumua Masjith

2014.04.11

Ash Sheikh Hithayathullah Razeen(Rahmani)

Colombo, Wekanda Jumua Masjith

2014.04.11

Ash Sheikh Omardeen(Rahmani)

Colombo04,Bambalapitiya, Muhiyadeen Jumua Masjith

2014.04.04

Live

Video

இன்ஷா அல்லாஹ் எதிர்வரும் 19.04.2014 அதாவது நாளை சனிக்கிழமை அஸர் தொழுகையைத் தொடர்ந்து ”நவீன பாவங்களும் இன்றைய முஸ்லிம்களும்” எனும் தலைப்பில் விசேட மார்க்க சொற்பொழிவு ஒன்றை அட்டாளைச்சேனை,மஸ்ஜிதுர் நூர் பள்ளிவாயலில் நடாத்துவதற்கு அகில இலங்கை முஸ்லிம் வாலிபர் ஒன்றியத்தினால் (ACMYC)ஏற்பாடு செய்யப்பட்டுள்ளது.


குறிப்பு
பெண்களுக்காக விசேட இடங்கள் ஒதுக்கப்பட்டுள்ளது.



சொற்பொழிவு நிகழ்த்த வருகை தரவுள்ளார்:

கண்டி,உடத்தலவின்ன. ஹக்கீமியா மத்ரஸாவின் விரிவுரையாளர்
அஷ்ஷேய்க் அல்ஹாஜ் மௌலவி இம்றான் ஹஸன்(நுழாரி) அவர்கள்



இவ் பயான் நிகழ்ச்சி நேரடியாக எமது இணையதளமான www.acmyc.comயில் ஒலிபரப்பப்படும் என்பதையும அறியத்தருகிறோம்.


வெளிநாடுகளில் வாழும் மற்றும் வெளிப்பிரதேசங்களில் வாழும் எமது சகோதரர்கள் இதனை நேரடியாக எமது இணையதளம் மூலம் கேட்க முடியும்.


அன்பான இஸ்லாமிய சகோதரர்களே!! இன்று நாம் எத்தனையோ விடயங்களை பாவங்கள் என்று தெரியாமல் செய்து கொண்டிருக்கின்றோம். நாம் செய்த பாவங்களின் விளைவுதான் நம் ஒவ்வொருவருக்கும் வரக்கூடிய சோதனை.


நாம் செய்தது/செய்து கொண்டிருப்பது பாவமா ??? 
வாருங்கள்!! கேளுங்கள்!! திருந்திநடவுங்கள்!!


அன்பானவர்களே!! மற்றவர்களுக்கும் இந்த விடயத்தை SHARE செய்வதன் மூலம் தெரியப்படுத்துங்கள்.
உங்களின் மூலம் ஒருவர் ஒரு நல்ல விடயத்தை கேட்டு திருந்தி நடப்பாரானால் அதனுடைய நன்மையை இன்ஷா அல்லாஹ். நீங்களும் பெறுவீர்கள்.



அஸ்ஸலாமு அலைக்கும் வரஹ்மத்துல்லாஹி வபரகாத்துஹு,


கடந்த காலங்களில் இலங்கை முஸ்லிம் சமூகம் எதிர்நோக்கிய பிரச்சினைகளின் போதெல்லாம் அகில இலங்கை ஜம்இய்யதுல் உலமாவின் வழிகாட்டல்களை ஏற்று அவதானமாகவும், நிதானமாகவும் நடந்து நாட்டின் அமைதிக்கும், சமாதானத்துக்கும், சகவாழ்விற்கும் தமது முழுமையான பங்களிப்பை வழங்கி வரும் இலங்கை வாழ் முஸ்லிம்கள் அனைவருக்கும் அகில இலங்கை ஜம்இய்யத்துல் உலமா தனது மனமார்ந்த நன்றிகளைத் தெரிவித்துக் கொள்கிறது.


எத்தகைய பிரச்சினையாயினும் முஸ்லிம்களாகிய நாம் அல்-குர்ஆன், அஸ்-ஸூன்னாவின் அடிப்படையிலும், ஸஹாபாக்களினதும், ஸலபுஸ்ஸாலிஹீன்களினதும் முன்மாதிரிகளின் அடிப்படையிலுமே அதற்கான தீர்வைக் காண முயற்சிக்க வேண்டும் என்பதை ஜம்இய்யதுல் உலமா அனைத்து முஸ்லிம்களுக்கும் நினைவூட்ட விரும்புகின்றது.


பல சமூகங்களுடனும், சமயத்தவர்களுடனும் சேர்ந்து வாழும் இலங்கை முஸ்லிம்கள் சமூக ஒற்றுமையைக் கடைபிடிக்கும் அதே நேரத்தில் சகோதர இனங்களோடும், பிற சமயத்தவர்களோடும் நல்லுறவு பேணி நடந்து கொள்கின்றனர் என்பது வரலாற்று உண்மையாகும். இதனை தொடர்ந்தும் கடைப்பிடிக்க வேண்டும் என்பதை ஜம்இய்யா வலியுறுத்திக் கேட்டுக் கொள்கிறது.




எச்சந்தர்பத்திலும் ஒரு முஸ்லிம் மாற்றுமத சகோதரர்களின் தெய்வங்களை இம்சிக்க இஸ்லாம் அனுமதிக்கவில்லை. மாற்று மதங்கள் விடயத்தில் அல்-குர்ஆன் பின்வரும் அழகிய வழிகாட்டலை எமக்குத் தந்திருக்கிறது,


‘அவர்கள் அழைக்கும் அல்லாஹ் அல்லாதவற்றை நீங்கள் திட்டாதீர்கள்; (அப்படி நீங்கள் திட்டினால்) அவர்கள் அறியாமையின் காரணமாக வரம்பை மீறி அல்லாஹ்வைத் திட்டுவார்கள்’ (அன்ஆம்: 108)


எந்தவொரு மதத்தையும் ஏசுவதையோ, தரக்குறைவாகப் பேசுவதையோ இஸ்லாம் அனுமதிக்கவில்லை. ஆயினும், இத்தகைய மதச்சகிப்புத்தன்மையையும், மனிதாபிமானத்தையும், மனித நேயத்தையும் போதிக்கின்ற இஸ்லாத்தையும், முஸ்லிம்களின் தூய வேதமான அல்-குர்ஆனையும் அண்மைக் காலமாக ‘பொது பல சேனா’ என்ற அமைப்பும், அதனைச் சார்ந்தவர்களும் கீழ்த்தரமாக சாடியும், அடிப்படையில்லாத போலியான குற்றச்சாட்டுகளைச் சுமத்தி விமர்சித்தும் வருகின்றமை முஸ்லிம் சமூகத்தை விசனம் கொள்ளச் செய்துள்ளது.




அல்-குர்ஆன் ‘தகீய்யா’ எனும் ஒரு கொள்கையைப் போதிப்பதாகவும் அக்கொள்கை பிற சமயத்தவர்களை ஏமாற்றுவதற்கும், அவர்களின் உடமைகளைக் கைப்பற்றுவதற்கும், அவர்களது சொத்துகளை அபகரிப்பதற்கும் அனுமதிப்பதாகவும் அமைந்திருக்கின்றது என சமீபத்தில் ‘பொது பல சேனா’வின் செயலாளர் அல்-குர்ஆன் மீது மிகப் பெரும் அபாண்டமொன்றை சுமத்தியுள்ளார். இவ்வாறான கூற்று உலக முஸ்லிம்களை பொதுவாகவும், இலங்கை வாழ் முஸ்லிம்களைக் குறிப்பாகவும் மிகவும் மனவேதனையடையச் செய்துள்ளது.




இந்த மத நிந்தனை தொடர்பான விவகாரத்தை அகில இலங்கை ஜம்இய்யதுல் உலமா மாண்புமிகு ஜனாதிபதி அவர்களினதும் மற்றும் அஸ்கிரிய பீட மகாநாயக்க தேரர் அவர்களினதும் கவனத்திற்குக் கொண்டுவரவுள்ளது. இவ்விவகாரம் தொடர்பாக உரிய தரப்பினர் காத்திரமான நடவடிக்கைகளை உடன் மேற்கொள்வர் என ஜம்இய்யா எதிர்பார்க்கிறது. பல முஸ்லிம்கள் பொலிஸ் நிலையங்களில் முறையீடுகளை பதிவு செய்துள்ளதும் குறிப்பிடத்தக்கதாகும்.




எனவே, இலங்கை வாழ் முஸ்லிம்கள் என்றும் போல நிதானமாகவும், பொறுமையுடனும் நடந்து கொள்ளுமாறு அகில இலங்கை ஜம்இய்யதுல் உலமா கேட்டுக்கௌ;கிறது. மேலும் எதிர்வரும் ஜூம்ஆத் தொழுகையில் இனங்களுக்கிடையிலான சகவாழ்வு ஏற்படுவதற்காகவும்; நாட்டின் அமைதிக்காகவும் பிரார்த்திக்குமாறு அகில இலங்கை ஜம்இய்யதுல் உலமா அனைவரையும் வேண்டிக் கொள்கிறது. 


அஷ்-ஷைக் எம்.எம்.ஏ முபாறக்
பொதுச் செயலாளர்
அகில இலங்கை ஜம்இய்யதுல் உலமா


More Visit: www.acju.lk

இன்றைய நவீன உலகின் முன்னேற்றத்தில் கணினி (கம்ப்யூட்டர்) பெரும் பங்கு வகிக்கின்றது. நமது அன்றாட வாழ்க்கையில் இன்றியமையாததாகிவிட்டது என்று கூறலாம். கணினி நமது வாழ்க்கையை மிகவும் எளிதாக ஆக்கிவிட்ட போதிலும் அதனைச் சார்ந்த சில சிரமங்கள் தலை தூக்கி இருக்கின்றன. தினமும் கணிசமான நேரம் கணினியில் பணி செய்பவர்களுக்கு சில பாதிப்புகள் ஏற்பட வாய்ப்பு இருக்கின்றது. இவற்றை இ-பெயின் (e-pain; Electronic Eye Pain) என்கின்றனர்.



கணினியில் தொடர்ந்து வேலை பார்ப்பவர்களுக்கு கீழ்க்கண்ட பாதிப்புகள் இதனால் வரலாம்:


1. கண்களில் வலி
2. கண் சிவப்பாதல்
3. கண்களில் நீர் வடிதல்
4. தலை வலி, கழுத்து வலி, முதுகு வலி
5. களைப்பு6. கண்களில் எரிச்சல்
7. இரட்டைப் பார்வை, கவனம் சிதறுதல்.
8. கண்களைத் தவிர கை, மணிக்கட்டு, தோள்பட்டை, முதுகு போன்ற இடங்களில் வலி ஏற்படலாம்.


இந்த பாதிப்புகள் எதனால், எப்படி ஏற்படுகிறது என்பதை அறிந்து கொண்டால் அவைகளை வரும்முன் தவிர்க்கலாம்.கணினி திரையைப் பாதிக்கக்கூடிய எந்தக் கதிர்களையும் வெளிப்படுத்துவதில்லை. 


இதனால் நேரடியாக பாதிப்பு இல்லாவிட்டாலும், கீழ்க்கண்ட காரணங்களால் பாதிப்புகள் உண்டாகலாம்.


1. கண்களுக்கும் திரைக்கும் குறுகிய இடைவெளி மற்றும் தொடர்ந்து நெடு நேரம் திரையை பார்த்துக் கொண்டு இருத்தல்.

2. நெடுநேரம் வரை கண் சிமிட்டாமல் இருத்தல் (சாதாரணமாக ஒரு நிமிடத்திற்கு 18 முறை இமைகள் மூடித் திறக்கின்றன. இதனால் கருவிழி ஈரமாக இருக்கின்றது. 


இது நடைபெறாமல் இருக்கும் பொழுதுதான் பாதிப்பு ஏற்படுகிறது)இந்த குறைபாடுகளிலிருந்து நம்மை பாதுகாக்க கீழ்க்கண்டவற்றைப் பின்பற்றலாம்>>>


1. கணினியின் திரைக்கும், நம் கண்களுக்கும் குறைந்தது இரண்டு அல்லது மூன்று அடி தூரம் இருக்க வேண்டும். ஒவ்வொரு ஐந்து அல்லது பத்து நிமிடத்திற்கு ஒருமுறை வேறு பொருளைப் பார்க்கலாம்.
2. ஒவ்வொரு அரை மணி நேரத்திற்கு ஒருமுறை கண்களுக்கு ஒன்றுஅல்லது இரண்டு நிமிடம் ஓய்வு கொடுக்க வேண்டும். ஒரு மணி நேரத்திற்கு ஒருமுறை எழுந்து ஐந்து நிமிடம், தூரத்தில் உள்ள இயற்கைக் காட்சியை ரசிக்கலாம்.
3. கண்களை அதிக முறை மூடித் திறப்பதை வழக்கமாக்கிக் கொள்ளலாம்.
4. நாற்காலியில் நிமிர்ந்து உட்கார்ந்து 35யி கோணத்தில் கணினியின் திரையைப் பார்க்கவும்.


*கண்குவியல் பயிற்சி (Convergence Exercise) ஒரு நாற்காலியில் நிமிர்ந்து தொலைதூர சிறு பொருளை பார்க்கவும். பேனாவை கண்களுக்கு நேராக இரு கை தூரத்தில் உயர்த்திப் பிடித்து அதன் முனையைப் பார்க்கவும்.


*மெதுவாக அதை கண்களுக்கு அருகில் கொண்டு வந்து இரண்டு பிம்பங்கள் தெரியும் தூரத்தில் நிறுத்திக் கொள்ளவும். இப்பொழுது பேனாவின் நுனி மிகத் தெளிவாக தெரியும். இந்த நிகழ்ச்சி முப்பது வினாடிகளுக்கு நீடிக்கலாம்.


*மீண்டும் மெதுவாக பழைய இடத்திற்கு எடுத்துச் செல்லவும். 30 வினாடிகளுக்கு பிறகு மீண்டும் இதே மாதிரி செய்யவும். இந்த பயிற்சியை 10 முறை செய்துவிட்டு மீண்டும் தொலைதூர சிறு பொருளைப் பார்க்கவும். ஆரம்பத்தில் இந்த பயிற்சியை காலையில் நீங்கள் புத்துணர்ச்சியுடன் இருக்கும் பொழுது 5 அல்லது 10 நிமிடங்கள் வரை செய்யலாம்.


தொடக்கத்தில் இந்தப் பயிற்சி சிறிது கண் வலி, தலைவலியை கொடுத்தாலும் தொடர்ந்து இரண்டு மூன்று வாரங்கள் செய்த பின் முழு குணமடைவு பெறலாம். இந்த பயிற்சியை இரண்டு மாதம் செய்தால் கண்ணின் தசை நார்கள் பலமும், உறுதியும் பெறும்.


சொட்டு மருந்து>>>


தினமும் மூன்று அல்லது நான்கு முறை கண் மருத்துவர் கூறும் சொட்டு மருந்து இடுவதால் கண்களில் எரிச்சல், சிவப்பு தன்மை குறைந்து கண்களுக்கு குளிர்ச்சி ஏற்படும். டியர் ப்ளஸ் (Tear Plus), மொய்சல் (Moisol) போன்ற பல சொட்டு மருந்துகள் மருந்தகத்தில் கிடைக்கின்றன. பொதுவாக இவை கண்களுக்கு தீங்கு ஏற்படுத்துவதில்லை என்றாலும் சொட்டு மருந்து இட்ட பின் எரிச்சல், சிவப்பு தன்மை, வீக்கம் தோன்றினால் உடனடியாக மருந்து இடுவதை நிறுத்திவிட்டு மருத்துவரை அணுகவும்.

(அல்குர்ஆன் மற்றும் நபிமொழிகளின் நிழலில் – ஒவ்வொரு பெண்மணியும் தெரிந்து கொள்ள வேண்டிய முக்கிய விஷயங்கள்)

நீங்கள் அவர்களிடம் ஆறுதல் பெறுதற்குரிய (உங்கள்) மனைவியரை உங்களிலிருந்தே உங்களுக்காக அவன் படைத்திருப்பதும்; உங்களுக்கிடையே உவப்பையும், கிருபையையும் உண்டாக்கியிருப்பதும் அவனுடைய அத்தாட்சிகளில் உள்ளதாகும்; சிந்தித்து உணரக்கூடிய சமூகத்திற்கு நிச்சயமாக, இதில் (பல) அத்தாட்சிகள் இருக்கின்றன. (30:21)


மனைவியின் அழகிய வரவேற்பு>>>>>>>>>>>>>


•பணியிலிருந்தோ அல்லது பயணத்திலிருந்தோ கணவன் வீட்டிற்கு வரும்போது அவரை நல்ல வார்த்தைகள் கூறி வாழ்த்துக்களுடன் வரவேற்று உபசரியுங்கள்
•முகமலர்ச்சியுடன் கணவரை எதிர்கொள்ளுங்கள்
•உங்களை அழகுபடுத்தி, உங்கள் கணவருக்குப் பிடித்தமான வாசனைத் திரவியங்களை பூசிக்கொள்ளுங்கள்
• சந்தோஷமான செய்தியை முதலில் தெரிவியுங்கள், கவலையான செய்தி இருந்தால் உங்கள் கணவர் அமைதி அடையும் வரை பிற்படுத்தி வையுங்கள்.
• அன்பான, அரவணைப்பான வார்த்தைகளை உங்கள் கணவரிடத்தில் பயன்படுத்துங்கள் (வேலையிலோ அல்லது வரும் வழியிலோ ஏதாவது பிரச்சினைகளைச் சந்தித்திருக்கலாம்).
• கணவருக்காக அக்கறையுடன் தயாரிக்கப்பட்ட உணவை சரியான நேரத்திற்குள் பரிமாறுங்கள் (கணவருடன் சேர்ந்து உண்ணும் வாய்ப்பையும் ஏற்படுத்திக் கொள்ளுங்கள்)



இனிய குரலும் தேவையான கனிவும்>>>>>>>>>>

• உங்கள் கணவரிடம் மென்மையான குரலில் அழகாக, அன்பாக பேசுங்கள். மேலும் மஹரம் இல்லாத ஆண்களுக்கு முன்னால் இவ்வாறு குழைந்து பேசக் கூடாது என்பதை மறந்துவிடவேண்டாம்
• உங்கள் கணவரிடத்தில் உம்!! இல்லை!! என்று சொல்லி அவரின் பேச்சை உதாசீனப்படுத்தாதீர்கள்.



நறுமணமும் அலங்கரிப்பும்>>>>>>>>


• உடலை அழகு-ஆரோக்கியமாக வைத்துக்கொள்ள சிரத்தையுடன் முயற்சி செய்யுங்கள். (வீட்டு வேலைகளை வேலைக்காரியோ அல்லது இயந்திரங்களின் உதவியோ இன்றி நாமே செய்ய முயற்சி செய்யவேண்டும். இதனால் உடல் ஆரோக்கியத்தையும் உடல் அழகையும் பேணுவதோடு பணச்செலவையும் குறைக்கலாம்)
• உங்கள் கணவருக்கு அருகில் (மட்டும்) மெல்லிய ஆடைகளைப் பயன்படுத்துங்கள்.
• தினமும் குளித்து உடலை சுத்தமாக வைத்துக்கொள்ளும் பழக்கத்தை மேற்கொள்ளுங்கள். குறிப்பாக மாதவிடாய் காலத்தில் சுத்தமாக வைத்துக்கொள்ளுவதில் அதிகமாக அக்கறைச் செலுத்துங்கள்.
• வீட்டிற்கு கணவன் வருவதற்கு முன்னால் உங்களை அழகுபடுத்திக் கொள்ளுங்கள். (அழுக்கான ஆடையுடன் முகத்தில் எண்ணெய் வடிந்திருக்கும் நிலையில் உங்கள் கணவரிடம் செல்லாதீர்கள்)
• தடுக்கப்பட்ட முறையில் அதாவது ஹராமான முறையில் அலங்கரித்துக் கொள்ளக்கூடாது. (உதாரணமாக புருவத்தை வழித்துக் கொள்ளுதல், ஒட்டுமுடி வைத்துக் கொள்ளுதல்)
• கணவனுக்கு பிடித்தமான வாசனைத் திரவியம், கலர் துணிவகைகள் ஆகியவற்றை பயன்படுத்துங்கள்.
• முடி அலங்காரம், வாசனைத் திரவியங்கள், உடையின் வண்ணம் மற்றும் மாடல் ஆகியவற்றை கணவன் ரசிக்கும்படி அடிக்கடி மாற்றுங்கள். இது போன்ற விஷயங்கள் மஹரம் இல்லாத ஆண்களுக்கு முன் செய்வது ஹராம் என்பதை நினைவிற் கொள்ளுங்கள்.
• நபிகள் நாயகம் ஸல்லல்லாஹூ அலைஹி வஸல்லம் அவர்களிடம் வினவப்பட்டது: 


‘எந்தப் பெண் (மனைவி) அனைவரையும் விடச் சிறந்தவள்?
” நபிகள் நாயகம் ஸல்லல்லாஹூ அலைஹி வஸல்லம் அவர்கள் நவின்றார்கள்: ‘எந்தப் பெண் தன் கணவன் தன்னைப் பார்க்கும் போது அவனை மகிழ்விப்பாளோ, அவன் கட்டளையிட்டால் அவனுக்கு கீழ்ப்படிந்து நடப்பாளோ, தன் விஷயத்திலும், தன்னுடைய பொருளிலும் தன் கணவனுக்கு விருப்பமில்லாத எந்தப் போக்கையும் மேற்கொள்ளமாட்டாளோ அத்தகையவளே, அனைவரையும் விடச்சிறந்தவள்”. ( நஸயீ)



இனிய வாழ்வின் திறவுகோல் தாம்பத்தியமே>>>>>>>>>>>>


• திருமணத்தில் இணையும் ஆணும், பெண்ணும் ஒருவருக்கொருவர் தங்களது இயற்கையான உடல் தாகங்களை (அனுமதிக்கப்பட்ட முறையில்) செம்மையாகப் பகிர்ந்து கொள்வது இஸ்லாமியத் திருமணத்தின் முக்கிய குறிக்கோளாகும் என நபிகள் நாயகம் ஸல்லல்லாஹூ அலைஹி வஸல்லம் அவர்கள் உணர்த்தினார்கள்.
(புகாரி, முஸ்லிம், அபூதாவுத், நஸயீ)
• கணவன் தாம்பத்தியத்திற்காக மனைவியை அழைத்து, அவள் தேவையின்றி மறுக்கிறாள். அதனால் கணவன் அவள் மீது கோபங்கொண்டு அவ்விரவைக் கழித்தால், விடியும் வரை வானவர்கள் அப்பெண்ணை சபித்துக்கொண்டே இருப்பார்கள் என நபிகள் நாயகம் ஸல்லல்லாஹூ அலைஹி வஸல்லம் அவர்கள் எச்சரித்தார்கள். (புகாரி, முஸ்லிம், அஹ்மத்).


• நபிகள் நாயகம் ஸல்லல்லாஹூ அலைஹி வஸல்லம் அவர்கள் தெளிவாக்கினார்கள்: கணவன் ஊரிலிருக்கும் போது அவனது அனுமதியின்றி எந்தப் பெண்ணும் (ரமளான் அல்லாத நஃபிலான) நோன்பு நோற்பது கூடாது. மேலும் தனது வீட்டில் கணவன் அனுமதியின்றி எவரையும் அனுமதிக்கக் கூடாது. (புகாரி, முஸ்லிம், அபூதாவூத், தாரமி).


• உங்கள் கணவனுக்கு தாம்பத்திய உறவு அவசியம் தேவை என்கிற சூழ்நிலையில் அதனை முதன்மைப் படுத்துங்கள். (பிறர் தவறாக எண்ணுவார்கள் என்றோ ஏதாவது பேசுவார்கள் என்றோ தள்ளிப்போடாதீர்கள்).


• உங்களுடைய உடலை சுத்தமாகவும் வாசனையாகவும் வைத்துக் கொள்ளுங்கள்.
• கணவருடன் இனிய மொழியில் காதலைப் பரிமாறிக் கொள்ளுங்கள். (குடும்பத்தின் பிரச்சினைகளை மறந்துகூட அப்பொழுது வெளிப்படுத்தாதீர்கள். இல்லையென்றால் சந்தோஷமான சூழ்நிலையை சங்கடமான சூழ்நிலையாக அது மாற்றிவிடக்கூடும்).
• உங்கள் கணவர் திருப்தி அடையும்வரை ஒத்துழையுங்கள்.
• தோதான நல்ல சூழ்நிலைகளில் உங்கள் கணவரை தாம்பத்தியத்திற்கு ஊக்குவியுங்கள் 
(உதாரணமாக வெளியூர் பயணத்திலிருந்து திரும்பியபோது அல்லது
கணவருக்கு அமைதி தேவை என்னும் பட்சத்தில்).



அல்லாஹ் அருளியவைகளைக் கொண்டு திருப்தி கொள்வது>>>>>>>>>>>>


• உங்களுடைய கணவன் ஏழையாகவோ அல்லது சாதாரண வேலையிலோ இருந்தால் அதற்காக வாழ்க்கையை வெறுத்துவிடாதீர்கள். (பிறரின் கணவர்கள் போல் நீங்கள் இல்லையே என ஒப்புமையும் செய்யாதீர்கள். அது உங்கள் கணவருக்கு வெறுப்பை உருவாக்கும்).


• ஏழைகள், உடல் ஆரோக்கியம் இல்லாதவர்கள், ஊனமுற்றோர்கள் போன்ற நம் நிலைக்கு கீழாக உள்ளவர்களை பார்த்தேனும் இறைவன் நம்மை இந்த நிலைக்கு உயர்த்தி வைத்திருப்பதை நினைத்து சந்தோஷப்படுங்கள்.


• தன்னம்பிக்கையும் மற்றும் கணவருக்கு நீங்கள் அளிக்கும் ஊக்கமும்தான் உங்கள் வாழ்க்கையின் முன்னேற்றம் என்பதை மறந்துவிடாதீர்கள்.




உலக விஷயத்திலேயே மூழ்கிவிடவேண்டாம்>>>>>>>>>>


• இவ்வுலக வாழ்க்கை மட்டும்தான் நமக்கு நோக்கம் என்று இருந்திட வேண்டாம்.
• இதன் அர்த்தம் அல்லாஹ் அனுமதித்த இன்பங்களை அனுபவிக்கக் கூடாது என்பதல்ல, மறுமையின் சுகவாழ்வுக்கு எதிரான விஷயங்களை கவனமாகத் தவிர்த்து வாழ வேண்டும்.


• உங்கள் கணவரின் செலவை குறைக்கச் சொல்லி அதனை தர்மம் செய்யவும், ஏழைகள் மற்றும் தேவைப்படும் மக்களுக்கு கொடுக்கவும் ஆர்வம் ஊட்டுங்கள்.


• அவசியம் இல்லாத பொருள்களை வாங்கிக்கேட்டு கணவனை நச்சரிக்காதீர்கள். (உங்கள் பெற்றோர்கள் வீட்டில் கிடைத்த மாதிரி கணவனிடம் எதிர்பார்க்காதீர்கள். உங்கள் கணவனின் வசதிக்கேற்ப உங்களை மாற்றிக்கொள்ளுங்கள்).


• செல்வமும், பிள்ளைகளும் இவ்வுலக வாழ்வின் கவர்ச்சியாகும். நிலையான நல்லறங்களே உமது இறைவனிடம் கூலியில் சிறந்ததும், எதிர்பார்க்கப் படுவதில் சிறந்ததுமாகும். 
(அல்குர்ஆன் 18:46)



கணவனின் உதவியை வரவேற்றல் நன்றி செலுத்துதல்>>>>>>>>>>

• நபி (ஸல்) அவர்கள் சொன்னார்கள் ‘பெரும்பான்மையான பெண்கள் கணவனின் உதவியை நிராகரித்ததன் காரணமாக அவர்களை நரகத்தில் பார்த்தேன்” என்பதாக. எனவே கணவன் செய்த உதவிகளை ஒருபோதும் மறந்துவிடாதீர்கள்.


• உங்கள் கணவரின் உதவிகளுக்கு நன்றி செலுத்தும்போது உங்கள் கணவரை மேலும் உதவி செய்பவராகவும் உங்களை பலவழிகளில் சந்தோஷப் படுத்துபவராகவும் காண்பீர்கள்.


• உங்கள் கணவரின் நன்றியை மறக்கும்போது, உங்கள் கணவர் ‘ஏன் இவளுக்கு நல்லது செய்ய வேண்டும் என்று தன்னைத்தானே நொந்து கொள்வார்”.உறுதுணையும் உதவியும்


• உங்கள் கணவர் ஏதேனும் விபத்தின் காரணமாக ஊனம் ஏற்பட்டுவிட்டால் அல்லது வியாபாரத்தில் நஷ்டமடைந்துவிட்டால் பெண்களுக்கு அனுமதிக்கப்பட்ட சொந்தத் தொழில் மூலமாகவோ மற்றும் உங்கள் சொத்தின் மூலமாகவோ கணவனுக்கு ‘தோள்” கொடுங்கள்.



கட்டுப்படுதல்>>>>>>>>>


• ஒரு பெண் தனது ஐவேளைத் தொழுகையை (செம்மையாக) தொழுது (ரமழான்) மாதத்தில் நோன்பு நோற்று, தனது கற்பையும் காத்துக்கொண்டு (இறை ஆணைகளுக்கு மாற்றமில்லாத காரியங்களில்) தன் கணவனுக்குக் கட்டுப்பட்டும் நடந்து கொண்டால், ‘நீ விரும்பும் எந்த வாயில் வழியாக வேண்டுமானாலும் சுவர்க்கத்தில் நுழையலாம்” என அவளிடம் (மறுமையில்) கூறப்படும் என நபிகள் நாயகம் ஸல்லல்லாஹூ அலைஹி வஸல்லம் அவர்கள் நவின்றார்கள். (தப்ரானி, முஸ்னத் அஹ்மத்)


• ஒருவர் மற்றொருவருக்கு சாஷ்டாங்கம் (ஸஜ்தா) செய்யலாமென நான் கட்டளையிட நாடியிருந்தால் மனைவியை கணவனுக்கு தலை வணங்கி சாஷ்டாங்கம் (ஸஜ்தா) செய்ய ஆணையிட்டிருப்பேன். (ஆனால் அதுவும் தவறே! எனவே அதனை அனுமதிக்கவில்லை) என நபிகள் நாயகம் ஸல்லல்லாஹூ அலைஹி வஸல்லம் அவர்கள் கூறினார்கள். (அபூதாவூத், நஸயீ, திர்மிதி, இப்னுமாஜா, பைஹகி)
• கணவனுடைய அத்தனை கட்டளைகளையும் நிறைவேற்றுங்கள் அது இறைவனுக்கு மாற்றமாக இல்லாதபோது.


• ஓர் இஸ்லாமிய குடும்பத்தில் கணவன் தலைவன் என்பதையும் மனைவி கணவனுக்கு உதவி செய்பவள் என்பதையும் மறந்துவிடாதீர்கள்.






அமைதிப்படுத்துங்கள் (கோபமாக இருக்கும் போது)>>>>>>>>>>>>>>


• முதலாவதாக கணவரை எது கோபப்படுத்துமோ அதை தவிர்த்துவிடுங்கள். அப்படி தவிர்க்க முடியாத சூழ்நிலையில் சமாதானப் படுத்துங்கள்.
• நீங்கள் பிழை செய்திருந்தால் மன்னிப்புக் கேளுங்கள். (கோபமான சூழ்நிலையில் ஒருவருக்கொருவர் வீசிக் கொள்ளும் ‘உப்பு சப்பு” பெறாத வார்த்தைகள்தான் விவாகரத்தில் முடிகிறது என்பதை எல்லோருமே அறிவார்கள்).


• கணவர் தவறு செய்திருந்தால் அதனை நல்ல சூழ்நிலை பார்த்து சொல்ல முயற்சி செய்யுங்கள். அல்லது அவருடைய கோபம் குறையும் வரை அமைதியாகக் காத்திருந்து சாந்தமான முறையில் அவருடன் பேச்சுவார்த்தை நடத்துங்கள்.
• வெளி விஷயத்தின் காரணமாக கோபம் இருந்தால், கோபம் குறையும் வரை காத்திருந்து பிறகு அவரை சமாதானப்படுத்த முயற்சி செய்யுங்கள். (உதாரணமாக வேலையில் பிரச்சினை, மற்றவர்களால் அவமானப் படுத்தப்பட்டிருத்தல்)
• அவருடைய பிரச்சினைகளை அறிந்து கொள்ளும் பொருட்டு அந்த கோபமான நிலையிலேயே பற்பல கேள்விகளை எழுப்பி தொந்தரவு செய்யாதீர்கள்.
• ‘என்ன நடந்தது? என்று நீங்கள் சொல்லித்தான் ஆகவேண்டும்;” என்றோ அல்லது எது உங்களை கோபப்படுத்தியது? என்று எனக்கு தெரிந்துதான் ஆகவேண்டும்! என்றோ அல்லது நீங்கள் எதையோ மறைக்கிறீர்கள்! அதைத் தெரிந்து கொள்வதற்கு எனக்கு முழு உரிமை இருக்கின்றது! என்றோ கேள்வி கணைகளை எழுப்பி எரிகிற வீட்டில் எண்ணெய்யை ஊற்றாதீர்கள்.




பாதுகாப்பது (அவர் வீட்டில் இல்லாத போது)>>>>>>>>>>


• இன்னும்; முஃமினான பெண்களுக்கும் நீர் கூறுவீராக அவர்கள் தங்கள் பார்வைகளைத் தாழ்த்திக் கொள்ள வேண்டும்; தங்கள் வெட்கத் தலங்களைப் பேணிக்காத்துக் கொள்ள வேண்டும். தங்கள் அழங்காரத்தை அதினின்று (சாதாரணமாக வெளியில்) தெரியக் கூடியதைத் தவிர (வேறு எதையும்) வெளிக் காட்டலாகாது இன்னும் தங்கள் முந்தானைகளால் அவர்கள் தங்கள் மார்புகளை மறைத்துக் கொள்ள வேண்டும் (அல்குர்ஆன்: 24:31)
• அல்லாஹ் கூறுகிறான்: நல்லொழுக்கமுள்ள மனைவிமார்கள் (தங்கள் கணவனிடம்) விசுவாசமாகவும், பணிந்தும் நடப்பார்கள். (தங்கள் கணவர்) இல்லாத சமயத்தில் அவர்களின் (செல்வம், உடைமை, மானம், மரியாதை) அனைத்தையும் பாதுகாப்பவர்களாகவும் இருப்பார்கள். (தங்கள் கணவருக்கு மாறு செய்ய மாட்டார்கள்). (அல்குர்ஆன்: 4:34)


• தடுக்கப்பட்ட நட்புகளைவிட்டும் உங்களை காத்துக் கொள்ளுங்கள்.


• குடும்பத்தின் ரகசியங்களை மற்றவரிடம் சொல்லாதீர்கள். (முக்கியமாக தாம்பத்தியம் மற்றும் உங்கள் கணவர் பிறரிடம் சொல்ல விரும்பாத விஷயங்கள்)
• வீட்டில் உள்ள பொருள்களையும் குழந்தைகளையும் பேணிப் பாதுகாத்துக் கொள்ளுங்கள்.
• கணவனுடைய பணத்தையும் சொத்துக்களையும் பாதுகாத்து வையுங்கள்.
• கணவனுடைய அனுமதியின்றி வீட்டைவிட்டு வெளியேறாதீர்கள்.
• அப்படியே உங்கள் கணவர் அனுமதித்தாலும் முழு ஹிஜாபுடனும் பாதுகாப்புடனும் வெளிச் செல்லுங்கள்.• உங்கள் கணவருக்குப் பிடிக்காதவர்களை வீட்டிற்குள் வர அனுமதிக்காதீர்கள்.
• மஹரம் இல்லாத ஆண்களை நீங்கள் தனியாக இருக்கும் இடங்களில் அனுமதிக்காதீர்கள். (கணவனுடைய சகோதரர்கள், தாயின் சகோதரி மகன்கள், தந்தையின் சகோதரனின் மகன்கள் – போன்றவர்கள்தானே என்று அலட்சியமாக இருக்காதீர்கள்)


• கணவர் வீட்டில் இல்லாத நேரத்தில் அவருடைய பெற்றோர்களுடனும் உறவினர்களுடனும் நல்லபடியாக நடந்து கொள்ளுங்கள்.





பொறுமையும் பாதுகாப்பளித்தலும்>>>>>>>>>>


• கஷ்டங்களை எதிர்கொள்ளும்போது பொறுமையுடன் இருங்கள்.


• வாழ்க்கையில் இழப்புகள் சோதனைகள் (உங்களுக்கு, உங்கள் கணவருக்கு, குழந்தைகளுக்கு, உறவினர்களுக்கு, சொத்துக்களுக்கு…) ஏற்படும்போது இறைவனின் கூலியை எதிர்பார்த்து பொறுமை கொள்வது அவசியம். (உதாரணமாக : நோய், விபத்துகள், இறப்புகள்…)


• அழைப்புப்பணியில் துன்பங்கள் ஏற்படும்போது (சிறைபிடிக்கப்படுதல், ஊனமாக்கப்படுதல் …) பொறுமையுடன் இருந்து கணவரை மீண்டும் அல்லாஹ்வுடைய பாதையில் சுவர்க்கத்தை வேண்டி தியாகம் செய்ய உற்சாகப்படுத்துங்கள்.
• உங்களிடம் உங்கள் கணவர் மோசமாக நடந்து கொண்டால்கூட அவரிடம் நீங்கள் நல்ல முறையாக நடந்து பாடம் புகட்டுங்கள். (இவள் நம்மீது இவ்வளவு அன்பு பொழியும் போது நாம் ஏன் இவளிடம் நல்ல முறையாக நடந்தக் கொள்ளக்கூடாது என்று நினைத்து வருந்தி தன் தவறுகளைத் திருத்திக் கொள்வார்).




இறைவனுக்கு அடிபணிவதிலும், அழைப்புப்பணி, தியாகம் ஆகியவற்றிலும்
உதவியாக இருத்தல்>>>>>>>>>>>


• உங்கள் கணவருடன் ஒத்துழையுங்கள். கடமையான மற்றும் உபரியான வணக்கங்களை அவருக்கு நினைவுபடுத்துங்கள்.
• இரவு தொழுகை தொழ அவருக்கு ஆர்வமூட்டுங்கள்.
• அல்குர்ஆனை கேட்பதிலும் படிப்பதிலும் தனித்தும் கணவருடன் சேர்ந்தும் ஈடுபடுங்கள்.
• இஸ்லாமிய பயான் கேஸட்டுகளை தனியாகவும் கணவருடனும் சேர்ந்தும் கேளுங்கள் (இருவரும் புரிந்து கொண்ட முக்கிய கருத்துக்களை ஒருவருக்கொருவர் பரிமாற்றம் செய்து கொள்ளுங்கள்).
• சுப்ஹ{தொழுகைக்குப் பின்னரும், மஃரிப் தொழுகைக்கு முன்னரும் திக்ருகளில் (இறைநினைவு) ஈடுபடுங்கள்.
• பெண்களுக்கும் குழந்தைகளுக்கும் செய்யப்படும் அழைப்புப்பணிகளில் உங்களையும் உட்படுத்திக் கொள்ளுங்கள்.
• இஸ்லாமிய சட்டங்களையும் பெண்களுக்குரிய நல்ல பண்புகளையும் கற்றுக் கொண்டு செயல்படுத்துங்கள்.
• உங்களுடைய அன்புக் கணவருக்கு ஒத்தாசையாக இருந்து அவரை ஊக்கப்படுத்தி, அவருக்குத் தேவையான நல்ல கருத்துகளைச் சொல்லி அவரின் துன்பங்களில் பங்கெடுத்துக் கொள்ளுங்கள்.
• உங்களுடைய பகுதி நேரத்தை ஒதுக்கி கணவருடன் சேர்ந்து அழைப்பு பணிகளில் ஈடுபடுங்கள்.
• அவசியமான நேரத்தில் அனைத்து தியாகங்களையும் செய்ய உங்கள் கணவருக்கு ஆர்வமூட்டி நீங்களும் உங்கள் குழந்தைகளும் அல்லாஹ்வுடைய பாதுகாப்பில் இருப்பதை நினைவுபடுத்துங்கள்.




அழகிய வீட்டு பராமரிப்பு>>>>>>>>>>>>>


• வீட்டை சுத்தமாகவும், அழகாகவும் நேர்த்தியாகவும் வைத்துக் கொள்ளுங்கள்.
• பொழுது போகாத நேரங்களில் வீட்டுப்பொருள்களை சீர்படுத்தி வையுங்கள், உங்கள் கைகளால் தயாரித்த அலங்காரப் பொருள்களைக் கொண்டு வீட்டை அழகுபடுத்துங்கள். (உங்கள் கணவர் மிக சந்தோஷம் அடைவார்).


• தேர்ந்தெடுக்கப்பட்ட தரமான உணவுகளையும் புதிய வகையான உணவுகளையும் தயாரித்து உங்கள் கணவருக்கும் குழந்தைகளுக்கும் கொடுங்கள்.
• அனைத்து வீட்டு வேலைகளையும் நேர்த்தியாகச் செய்ய கற்றுக்கொள்ளுங்கள்.
• குழந்தைகளை எப்படி இஸ்லாமிய வழியில் வளர்ப்பது, பராமரிப்பது என்பதை கற்றுக்கொண்டு செயல்வடிவத்தில் வெளிப்படுத்துங்கள்.குடும்பத்தையும் சொத்துக்களையும் பராமரித்தல்
• கணவனுடைய பணத்தை அவருடைய அனுமதி இல்லாமல் செலவழிக்காதீர்கள். (அது தர்மமாக இருந்தாலும் சரி. ஆனால், உங்கள் கணவர் இதற்கு உடன்படுவார் என்பது தெரிந்தால் செய்யலாம்)
• வீடு, வாகனம் போன்றவற்ளை கணவன் வீட்டில் இல்லாத போது பாதுகாத்துக் கொள்ளுங்கள்.
• குழந்தைகளை சுத்தப்படுத்தி நல்ல ஆடைகளை அணிவித்து அழகூட்டுங்கள். குழந்தைகளுடைய பாதுகாப்பு மற்றும் கல்வி விஷயங்களில் பேணி நடந்து நல்ல பண்புகள், இஸ்லாமிய அறிவு, நபிமார்களின் சரித்திரங்கள் நபித்தோழர்களின் தியாகங்கள் ஆகியவற்றையும் போதியுங்கள்.




நல்ல மனைவி சுவர்க்கத்தின் துணைவி>>>>>>>>>>>>>


• நல்ல பெண்களுக்கு முன்மாதிரியாக நபித்தோழியர் கதீஜா, ஆயிஷா, உம்மு ஸலமா, உம்முசுலைம் ரளியல்லாஹூ அன்ஹூ ம்
போன்றவர்களை எடுத்துக்கொள்ளுங்கள்.
• கெட்ட பெண்களை அல்லது நடிகைகளைப் பின்பற்றுவதைத் தவிர்த்துக் கொள்ளுங்கள்.
• கணவனுக்கு சமயோசித முடிவுகள் தேவையானபோது சொல்லிக் கொடுங்கள். (முதலில் அதற்கான அறிவை வளர்த்துக் கொள்ளுங்கள்)
• கணவனுடைய திருப்தியைப் பெற்ற நிலையில் எப்பொழுதுமே இருக்க முயற்சி செய்யுங்கள்.
• ஒரு பெண் தன் கணவனது திருப்தியைப் பெற்ற நிலையில் மரணித்துவிட்டால் அவள் சொர்க்கத்தில் நுழைவாள் என நபிகள் நாயகம் ஸல்லல்லாஹூ அலைஹி வஸல்லம் அவர்கள் அருளினார்கள். (திர்மிதி, இப்னுமாஜா)

மனிதன் தன் பெற்றோருக்கு நன்மை செய்யும்படி உபதேசம் செய்தோம். அவனுடையதாய் வெகு சிரமத்துடனேயே அவனைப் பெற்றெடுக்கிறாள். (கர்ப்பத்தில்) அவனைச்சுமப்பதும் அவனுக்கு பால் குடி மறக்கச் செய்வதும் (மொத்தம்) முப்பதுமாதங்களாகும். அவன் வாலிபமாகி, நாற்பது வயதை அடைந்ததும் ”இறைவனே! நீ என்மீதும், என் பெற்றோர் மீதம் புறிந்த நிஃமத்துக்காக (அருள் கொடைகளுக்காக!)நன்றி செலுத்தவும், உன்னுடைய திருப்தியை அடையக்கூடிய ஸாலிஹான நல்லஅமல்களைச் செய்யவும் எனக்கு அருள் பாலிப்பாயாக!

(இதில் எனக்கு உதவுவதற்காக) என்னுடைய சந்ததியையும் ஸாலிஹானவர்களாக (நல்லது செய்பவர்களாக) சீர்படுத்தி யருள்வாயாக! நிச்சயமாக நான் உன்பக்கமே திரும்புகிறேன், அன்றியும் நான் முஸ்லிம்களில் நின்று முள்ளவனாக (உனக்கு முற்றிலும் வழிபட்டவனாக) இருக்கிறேன்” என்று கூறுவான். (உலகப் பொதுமறை திருக்குர்அன் 46:15)

அவனையன்றி (வேறு எவரையும்)நீர் வணங்கலாகாது என்றும் பொற்றோருக்கு நன்மைசெய்யவேண்டும் என்றும் உம்முடைய இறைவன் விதித்திருக்கிறான். அவ்விருவறில்ஒருவரோ அல்லது அவர்கள் இருவருமோ உம்மிடத்தில் நிச்சயமாக முதுமை அடைந்து விட்டால், அவர்களை உஃப் (சீ)என்று (சடைந்தும்) சொல்ல வேண்டாம் – அவ்விருவரையும் (உம்மிடத்திலிருந்து) விரட்ட வேண்டாம் – இன்னும் அவ்விருவறிடமும் கனிவான கண்ணியமான பேச்சையை பேசுவீராக! (உலகப் பொதுமறை திருக்குர்அன் 17:23)

தந்தை:>>>>

முதுமை அடைந்து விட்டால், அவர்களை உஃப் (சீ) என்று (சடைந்தும்) சொல்ல வேண்டாம்
பெற்றோரை கண்ணியப்படுத்தி கவனிப்பது நபிமார்களின் பண்புகள் இந்த சுன்னத்தையும் கடைபிடியுங்கள் சகோதரர்களே ஏனெனில் நீங்களும் ஒருநாள் வயதான கிழட்டுப்பருவத்தை எட்டலாம் உங்களுக்கும் உங்கள் பிள்ளைகள் தொந்தரவு கொடுக்கலாம்! உங்களுக்கு மட்டும் இளமை நிரந்தரமா?????

நபிமார்களின் கனிவான அறிவுரை இதோ குர்ஆனில்>>>>

"இன்னும் நினைவு கூறுங்கள் நாம் (யாஃகூப் என்ற) இஸ்ராயீல் மக்களிடத்தில் அல்லாஹ்வைத் தவிர வேறு எவரையும் எதனையும் நீங்கள் வணங்கக்கூடாது! (உங்கள்) பெற்றோருக்கும், உறவினர்களுக்கும், அநாதைகளுக்கும், மிஸ்கீன் (களான ஏழை களுக்கும்) நன்மை செய்யுங்கள்! மனிதர்களிடம் அழகானதைப் பேசுங்கள்!"

மேலும் தொழுகையை முறையாக கடைபிடித்து வாருங்கள்! ஜகாத்தையும் ஒழுங்காகக் கொடுத்து வாருங்கள்! என்று உறுதி மொழியை வாங்கினோம் ஆனால்உங்களில் சிலரைத் தவிர (மற்ற யாவரும் உறுதி மொழிலை நிறைவேற்றாமல்அதிலிருந்து) புரண்டுவிட்டீர்கள். இன்னும் நீங்கள் புறக்கணித்தவர்களாகவே இருக்கின்றீர்கள்! (உலகப் பொதுமறை திருக்குர்அன் 2:83)



மனைவியின் மீது உங்கள் கடமை>>>>

‘அல்லாஹ்வின் திருப்தியை மட்டுமே நாடி நீர் எதைச் செலவு செய்தாலும்அதற்காக கூலி வழங்கப்படுவீர்.

உம்முடைய மனைவியின் வாயில் (அன்புடன்) நீர்ஊட்டும் ஒரு கவள உணவு உட்பட என்று இறைத்தூதர் (ஸல்) அவர்கள் கூறினார்கள் என ஸஃது இப்னு அபீ வக்காஸ்(ரலி) அறிவித்தார். (சஹீஹுல் புகாறி Volume:1Book:2, Verse:56)

‘எவரிடம் மூன்று தன்மைகள் அமைந்துவிட்டனவோ அவர் ஈமான் எனும் இறைநம்பிக்கையின் சுவையை உணர்ந்தவராவார். (அவை) அல்லாஹ்வும் அவனுடையதூதரும் ஒருவருக்கு மற்றெதையும் விட அதிக நேசத்திற்குரிய வராவது, ஒருவர் மற்றொருவரை அல்லாஹ்வுக்காகவே நேசிப்பது, நெருப்பில் வீசப்படுவதை வெறுப்பது போல் இறை நிராகரிப்புக்குத் திரும்பிச் செல்வதை வெறுப்பது’ என்று இறைத்தூதர்(ஸல்) அவர்கள் கூறினார்கள்”
என அனஸ் (ரலி) அறிவித்தார். Volume:1 Book:2 : Verse 16

ஒரு சின்ன குட்டி நாடு மொத்தமே ஒன்றரை கோடி தான் மக்கள் தொகை ஆனால் உலகத்தையே அவர்கள் தான் மறைமுகமாக ஆள்கிறார்கள் எப்படி ??

அந்த நாட்டை பற்றிய மக்களின் சிறு குறிப்புகள் !!

* கல்யாணம் பண்ணனும்னா ஏதாவது ஒரு துறையில் டாக்டர் பட்டம் வாங்கி இருக்க வேண்டுமாம்


*கல்லூரியில் சேர முதலில் 5000 டாலர் கொடுத்து ஏதாவது ஒரு நிறுவனத்தை ஆரம்பித்து 15 பேருக்கு வேலை கொடுத்த பின்பு அதை 15000 டாலர் ஆக்கினால் தான் கல்லூரியில் சீட் கிடைக்குமாம்


*இதனால் இன்று உலகத்தில் உள்ள பாதி முக்கிய ப்ரெண்டெட் நிறுவனங்கள் அந்த நாட்டை சேர்ந்தவை தான் 


*உலகத்தில் உள்ள அணைத்து சிறுவர் கார்ட்டூன் படங்களை தயாரிப்பது அவர்கள் தான் அவர்கள் நாட்டின் குழந்தைகள் அதை பார்ப்பதில்லை அங்கு அது தடை செய்ய பட்டுள்ளது 


*உலகத்தில் முதன் முதாலாக தற்பொழுது வங்கிகளில் கடன் கொடுக்கும் கடன் வாங்கும் விதத்தை உலகத்துக்கு கத்து கொடுத்தது இவர்கள் தான்கர்ப்பிணி பெண்கள் தொலைக்காட்சி , சினிமா பார்க்க அனுமதிக்க படுவதில்லை , அதற்கு பதில் கற்பமாக இருக்கும் பொழுது கணக்கு ஆங்கிலம் போன்ற பல மொழிகளில் பாடம் படிப்பார்களாம் , அப்பொழுது பிறக்கும் குழந்தைகள் அறிவாக பிறக்கிறார்கலாம் 




*உலகத்தில் அதிகம் நோபல் பரிசு வென்றவர்கள் இந்த நாட்டில் தான் மொத்தம் 84 பேர்


*உலகத்தில் மெத்த படித்த மேதாவிகளும் உலகத்தை மறைமுகமாக ஆளும் தந்திரமும் மிக்கவர்கள் உள்ள ஒரே நாடு


*அந்த நாடு தான் இஸ்ரேல்.


>>>>>>இவர்களின் சதித் திட்டங்களைப் பற்றி எமது ஒவ்வொரு முஸ்லிம் சகோதரர்களும் அறிந்திருப்பது கட்டாயம்.>>>>>>>>


ஆகவே கீழே இருக்கும் SHARE BUTTONனை CLICKசெய்து பகிர்ந்து கொள்ளுங்கள்

முஸ்லிம்கள் தொடர்ச்சியாக துன்புறுத்தப்பட்டுவரும் இக்கால கட்டத்தில் அதன் பின்னணியில் இயங்கிவரும் வரும் பொதுபல சேனா அமைப்பின் நடவடிக்கைகளுக்கு எதிராக காத்திரமான நடவடிக்கைகளை மேற்கொள்ள முஸ்லிம் குரல் வானொலி மக்கள் மன்றத்தில் முடிவெடுத்த கட்டார் வாழ் இலங்கை முஸ்லிம்கள் தமது செயற்பாட்டில் இணைய விரும்பும் கட்டார் வாழ் இலங்கை வாழ் முஸ்லிம்களுக்கு அழைப்பு விடுத்தது அறிந்ததே.




கட்டார் வாழ் இலங்கை முஸ்லிம்கள் நடவடிக்கைகள் தொடர்பான கலந்துரையாடல் ஒன்றில் பங்குகொள்ள எதிர்வரும் வியாழன் மாலை மர்கஸில் ஒன்றுகூடுமாறு அழைப்பு விடுத்துள்ள அதேவேளை இந்த நிகழ்வை ஏற்பாடு செய்த ரிஸ்வான் என்பவர் நேற்று இரவு கட்டார் பொலிசாரினால் கைது செய்யப்பட்டு வாக்குமூலம் பெறப்பட்ட பின்னர் விடுதலை செய்யப்பட்டதாகவும் அங்கிருந்து அறியக்கிடைத்தது.



எதிர்வரும் வியாழன் மாலை மர்கஸில் ஏற்பாடு செய்யப்பட்டுள்ள ஒன்றுகூடல் இன்ஷா அல்லாஹ் நடைபெறும் என்பதையும் அறியத் தந்துள்ளனர்.

இன்ஷா அல்லாஹ் எதிர்வரும் 2014.04.18மற்றும்19 ஆகிய திகதிகளில் அதாவது எதிர்வரும் வெள்ளி மற்றும் சனிக் கிழமைகளில் மஃரி்ப் தொழுகையின் பின்னர் சாய்ந்தமருது பெரிய ஜூமஆ பள்ளி வாயலில் விசேட மார்க்க சொற்பொழிவுகள் இடம் பெறவுள்ளது.


வெள்ளிக்கிழமை மஃரிப் தொழுகையின் பின்னர் "இஸ்லாம் வலியுறுத்தும் ஹிஜாப்" எனும் தலைப்பிலும் சனிக்கிழமை மஃரிப் தொழுகையின் பின்னர் "இன்றைய பாலர் பாடசாலையினதும் உயர் கல்வி பாடசாலையினதும் அவல நிலை" எனும் தலைப்பிலும் மார்க்க சொற்பொழிவுகள் இடம் பெறவுள்ளது.

குறிப்பு
பெண்களுக்காக விசேட இடங்கள் ஒதுக்கப்பட்டுள்ளது.


சொற்பொழிவு நிகழ்த்த வருகை தரவுள்ளார்:

கண்டி,உடத்தலவின்ன ஹக்கீமியா மத்ரஸாவின் விரிவுரையாளர்
அஷ்ஷேய்க் அல்ஹாஜ் மௌலவி இம்றான் ஹஸன்(நுழாரி) அவர்கள்


இன்றைய காலத்திற்கு மிகவும் பொருத்தமானதும் தேவையுடையதுமான தலைப்புகளில் இந்த மார்க்க சொற்பொழிவுகள் இடம் பெறவுள்ளது.


ஆகவே அனைவரும் கலந்து கொண்டு பயன்பெறுவதற்கு அல்லாஹ் துனைபுரிவானாக!!!
ஆமீன்

Media Partner:
www.acmyc.com

(அகில இலங்கை ஜம்மிய்யத்துல் உலமாவின் பத்வா)


ஒரு பெண், குறித்த ஓர் ஆண் தன்னுடன் பலமுறை தவறான முறையில் உறவு கொண்டதாக ஏற்றுக் கொண்டதாகவும், எனினும் அந்நபர் அதனை மறுப்பதாகவும் கூறி, அவர்களுக்குத் தண்டனை வழங்குவது பற்றிய மார்க்கத் தீர்ப்பைக் கோரி தங்களது நிர்வாக சபையினால் 2003.10.13 திகதியிடப்பட்டு எமக்கு அனுப்பப்பட்ட கடிதம் இத்தால் தொடர்புகொள்ளப்படுகின்றது.



மேற்படி விடயம் சம்பந்தமான சன்மார்க்கத் தீர்ப்பு பின்வருமாறு:



எல்லாப் புகழும் வல்ல அல்லாஹ்வுக்கே. சலாத்தும், சலாமும் அவனின் இறுதித் தூதர் முஹம்மத் (சல்லல்லாஹு அலைஹி வசல்லம்) அவர்கள் மீதும், அவர்களது கிளையார்கள், தோழர்கள் மீதும் உண்டாவதாக!

விபச்சாரம் புரிவது இஸ்லாத்தில் வண்மையாகக் கண்டிக்கப்பட்டு, முற்றிலும் தடுக்கப்பட்ட பெரும் பாவங்களில் ஒன்றாகும். இப்பாவச் செயலுக்கு கடும் தண்டணையை விதித்துள்ள இஸ்லாம், ஆண், பெண் இரு பாலாருக்குமான நடை, உடை சம்பந்தப்பட்ட ஒழுக்க வரம்புகளைத் தெளிவுபடுத்தி, இப்பாவத்தளவில் இட்டுச் செல்லும் சகல வழிகளையும் தடுத்துள்ளதையும் காணலாம்.



ஒருவர் விபச்சாரத்தில் ஈடுபட்டதாக ஏற்றுக்கொள்ளும் பட்சத்தில் அல்லது தகுதிவாய்ந்த நான்கு சாட்சிகள் மூலம் அவர் விபச்சாரத்தில் ஈடுபட்டது முறையாக நிரூபணமாகும் பட்சத்தில் மாத்திரமே அவருக்கான தண்டனை நிறைவேற்றப்பட வேண்டும். எனவே, ஒருவர் குறித்த ஒருவருடன் தவறான உறவில் ஈடுபட்டதாக ஏற்றுக்கொள்ள, அந்நபர் அதனை மறுப்பாராயின் முதலாமவருக்கு மாத்திரமே விபச்சாரத்திற்கான தண்டனை வழங்கப்பட வேண்டும். பின்வரும் இரு ஹதீஸ்கள் மூலம் இதனை நாம் விளங்கிக் கொள்ளலாம்:



• சஹ்ல் இப்னு சஃத் (ரழி) அவர்கள் அறிவிக்கின்றார்கள்:


‘ஒரு மனிதர் (நபியவர்களிடம் வந்து) தான் (குறித்த) ஒரு பெண்ணுடன் விபச்சாரம் புரிந்ததாக ஏற்றுக்கொண்டார். எனவே, நபி (சல்லல்லாஹு அலைஹி வசல்லம்) அவர்கள் ஒருவரை குறித்த அப்பெண்ணிடம் அனுப்பினார்கள். அப்பெண் (தான் விபச்சாரம் பரியவில்லையென) மறுக்கவே, அம்மனிதருக்கு நபியர்கள் தண்டணையை நிறைவேற்றினார்கள்.’ (அல்-பைஹகீ, ஹதீஸ் இல.: 17002)



• அபூ ஹுரைரா (ரழி) அவர்கள் அறிவிக்கின்றார்கள்:

‘நான் அல்லாஹ்வின் தூதர் (சல்லல்லாஹு அலைஹி வசல்லம்) அவர்களின் சமுகத்தில் இருந்தபோது ஒருவர் எழுந்து (ஒரு நபரைச் சுட்டிக்காட்டி) நிச்சயமாக எனது மகன் இவரிடம் கூலிக்காக வேலை செய்து வந்தார். (அப்போது) இவரது மனைவியுடன் எனது மகன் விபச்சாரம் புரிந்துள்ளார் எனக் கூறினார். அதற்கு நபியவர்கள் ‘உமது மகனுக்கு நூறு கசையடிகளும், ஒரு வருடம் நாடு கடத்தப்படுவதும் தண்டனையாகும்’ எனக் கூறிவிட்டு, (தன் தோழர் ஒருவரை நோக்கி) உனைசே! இவரது மனைவியிடம் (விசாரிப்பதற்காக) நீர் சென்று, அப்பெண் அதை ஏற்றுக்கொண்டால்,அவளுக்குக் கற்களால் அடித்துக் கொல்லும் தண்டனையை நிறைவேற்றும் என்று கூறினார்கள்.(முஸ்லிம், ஹதீஸ் இல.: 1697)

விபச்சாரம் புரிந்ததாகக் குற்றம் சாட்டப்பட்ட ஒருவர் அதனை ஏற்றுக்கொள்ளாத வரை முறையான சாட்சியங்கள் இல்லாத நிலையில் அவருக்குத் தண்டனை வழங்க முடியாது என்பது மேற்படி ஹதீஸ்கள் மூலம் தெளிவாகிறது.

ஆகவே, எமக்கு முன்வைக்கப்பட்ட மேற்படி விடயத்தில் குறித்த அப்பெண்ணுக்கு மட்டுமே விபச்சாரத்திற்கான தண்டனை நிறைவேற்றப்பட வேண்டும். அத்துடன் ஒருவர் பல முறை விபச்சாரம் புரிந்த பின் அவரது குற்றம் நிரூபணமானால் அவை அனைத்திற்குமாக ஒரு முறை மாத்திரமே தண்டனை நிறைவேற்றப்பட வேண்டும்.

அல்லாஹ்வே நன்கு அறிந்தவன்.
வஸ்ஸலாமு அலைக்கும் வரஹ்மத்துல்லாஹி வபரக்காத்துஹ்.

இன்றைய சூழ்நிலையில் நமது சமதாயம் விழிப்புணர்வுடன் இருக்க பல்வேறு இணையதளத்திலும் , ஈமெயிலிலும் வந்த பல செய்தி/ கட்டுரைகளை இங்கே சமர்ப்பித்துள்ளோம்.


இதனை அனைவருக்கும் எத்தி வைக்க இறைவனுக்காக கேட்டுக்கொள்கிறோம்.


உங்களின் பெற்றோர்கள் நீ சிறு பிள்ளையாக இருக்ககும் போது உனக்காக செய்த தியாகங்களில் சில சிந்திப்பதற்காக!!!!!!!!!!!!!
உன் சிறு பராயத்தில்....................


*தன் பிள்ளை தூங்க வேண்டும் என்பதற்காக தங்களுடைய தூக்கங்களை பலியாக்கியவர்கள்


*நீ அழுத போதெல்லாம் என் பிள்ளைக்கு என்னமோ,ஏதோ நடத்து விட்டதோ எனப் பதறியவர்கள்


*தன் குடும்ப வறுமை காரணமாக, தான் சாப்பிடா விட்டாலும் தன் வயிற்றை காய வைத்து உனக்கு உன்ன உணவு தந்தவர்கள்


*நீ உணவு உண்ட பிறகு உன் உதட்டில் இருந்து வரும் சிரிப்பை பார்த்து தன் பசியைப் போக்கியவர்கள்


*நீ நோய் வந்து அழுத போது உன்னை நினைந்து, அவர்கள் அழுது அழுது நோயாளியாக மாறியவர்கள் உன் பெற்றோர்கள்


பெற்றோர்கள் நமக்காக செய்த தியாகத்தை இங்கு குறிப்பிடப் போனால் அது முடியாத காரியம்.


சகோதர்களே அப்படிப்பட்ட நம் பெற்றோர்களுக்கு நாம் செய்யும் நன்றி இதுதானா???




இன்றைய உலகத்தில் நம்மில் சிலர் இ்ப்படியும் உள்ளனர்......
வாசியுங்கள்.....




பள்ளி மற்றும் கல்லூரிகளில், பயிலும் நமது இஸ்லாமிய சகோதரிகளிடம் கனிவாகப்பேசி, காதல் வயப்படுத்தி அவர்களின் வாழ்வை நாசமாக்கிக் கொண்டு ஒரு சமூகம் உருவாகிக் கொண்டிருக்கிறது.



முஸ்லிம் பெற்றோர்களே, சகோதரர்களே! உங்கள் பெண் குழந்தைகளயும் , நம் சகோதரிகளை நாம் பாதுகாத்து சொர்க்கம் கொண்டு செல்வதும், கயவர் கூட்டத்தின் சதியை முறியடிப்பதும், நமது கடமையாக இருக்கின்றது. இதனை நாம் காலம் தாழ்தாமல் உடனே செய்ய வேண்டும்.


இது போன்ற சம்பவங்கள் நிகழ்வதற்கான காரணிகள் :


1. பெற்றோர்கள் தங்கள் வாலிபப் பிள்ளைகளை (குறிப்பாக பெண் குழந்தைகளை) முறையாக கவணிக்க தவறுவது.


2. அளவிற்கு அதிகமாக பணம் கொடுப்பது. வசதி உள்ளது என்பதற்காக மொபைல் போன்
(Ex: I Phone, Samung Galaxy) போன்ற சாதனங்களை வாங்கி கொடுப்பது.


3. மொபைல் போனில் தங்கள் வாலிபப் பிள்ளைகள்(குறிப்பாக பெண் குழந்தைகள்) யாருடன் பேசுகின்றார்கள், என்ன எஸ்.எம்.எஸ் வருகின்றது போன்றவற்றை கவனிக்காமல் இருப்பது.


4. தங்கள் வாலிபப் பிள்ளைகள் , பெண்கள் எங்கே செல்கின்றார்கள், எப்போது வருகின்றார்கள் என்பதை கவனிக்க அல்லது கண்டிக்க தவறுவது.


5. மார்க்கத்தை போதிக்காமல், காதல் படம், பாடல் போன்ற கேளிக்கைகளை சி.டி. வீடியோ என வீட்டிற்குள் அனுமதித்து வழிதவற வைப்பது.


6. தங்கள் வாலிபப் பிள்ளைகளை தனிமையில் வாழ அனுமதிப்பது.


7. வெளிநாட்டில் வாழும் இளைஞர்கள் தங்கள் மனைவியரை தனிக்குடித்தனம் வைப்பது அல்லது அவர்கள் இஸ்ட்டப்படி உரிய கண்கானிப்பின்றி வாழ அனுமதிப்பது


8. அந்நிய ஆடவருடன் பழகும் சூழ்நிலைகளை ஏற்ப்படுத்தி கொடுப்பது. பெண்களை தனியாக ஜவுளி கடை, நகைக்கடை என மார்க்கெட்டிற்கு அனுப்புவது அங்கு அந்நிய ஆண்கள் இவர்களுக்கு பொருட்களை இலவசமாக கொடுத்து தங்கள் வசப்படுத்த உதவுகின்றது.




நமது பெண் பிள்ளைகளை பாதுகாக்க சில வழிகள்:-


திருக்குர்ஆனில் அல்லாஹ் கூறுகின்றான்: 


இன்னும் முஃமினான பெண்களுக்கு நீர் கூறுவீராக! தங்கள் பார்வைகளைத் தாழ்த்திக் கொள்ள வேண்டும். தங்கள் வெட்கத் தலங்களைப் பேணிக் காத்துக் கொள்ள வேண்டும் (அல்குர்ஆன்: 24:37)


நீங்கள் இறையச்சத்தோடு இருக்க விருப்பினால் (அந்நியருடம் நடத்தும் பேச்சில் நளினம் காட்டாதீர்கள். ஏனென்றால் எவன் உள்ளத்தில் நோய் (தவறான நோக்கம் இருக்கின்றதோ அத்தகயவன் ஆசை கொள்வான். இன்னும் நீங்கள் நல்லவற்றையே பேசுங்கள்.
(அல்குர்ஆன் 33:32) 


1.அந்நிய ஆணுடன்,பெண்களுடன் பழகுவதும் ஹராம் (இறைவனால் தடுக்கப்பட்டுள்ளது என்பதனை கண்டிப்புடன் கூறி அனுப்புங்கள். அந்நிய ஆண்களிடம் கண்டிப்புடன் இருக்கச் சொல்லுங்கள்.




2.ஆண்களும் பெண்களும் இணைந்து படிக்கும் பள்ளி, கல்லூரிகளில் தான் இந்த சதி வேலை அதிகமாக நடக்கிறது என்பதை கவனத்தில் கொள்ளவும்.


3.தனியாக செல்லும் மாணவிகளை கல்லூரிகளுக்கு முடிந்தவரை நாமே நமது சகோதரிகளை அழைத்துச் சென்று கல்லூரிகளில் விடுவது, திரும்ப அழைத்து வருவது மிகவும் நல்லது. பெற்றோர்கள் முக்கியமாக கல்லூரிகள், மற்றும் பள்ளிகளில் படிக்கும் தங்கள் வாலிபப் பிள்ளைகளின் வருகைப்பதிவு (அட்டன்டன்ஸ் சரியாக உள்ளதா என வாரம் ஒருமுறை சரிபார்க்க வேண்டும்.




4.வெளிநாட்டிற்கு செல்லும் கணவன்மார்கள் பெரும்பாலும் தங்கள் இளம் மனைவியரை பெற்றோருடனோ அல்லது மனைவியின் பெற்றோருடனோ வாழ்வதற்கு விட்டுச் செல்வது நல்லது.




5.பெரும்பாலும் வீட்டில் உள்ள பெண்களுக்கு மொபைல் போன்களை வாங்கித் தற வேண்டாம். லேன்ட் லைன் டெலிபோன் மட்டும் இருந்தால் போதுமானது.




6.வீட்டில் தனியாக உள்ள பெண்கள் தங்கள் தொலைபேசி எண்களை ஆட்டோ டிரைவர், கடைகாரர் என யாருக்கும் தர வேண்டாம். எந்தச் சூழ்நிலையிலும் யாருக்கும் உங்கள் போன் நம்பரை தர வேண்டாம்.




7.தெரியாத எண்களில் இருந்து போன் வந்தாலோ அல்லது அந்நிய ஆடவர் யாராவது உங்களை ஈர்க்கும் வகையில், அல்லது உங்கள் உணர்வுகளை கிளாச்சி அடையச் செய்யும் வகையில் பேசினாலோ அல்லது மெஸேஜ் அனுப்பினாலோ உடனடியாக அந்த தொடர்பை துன்டியுங்கள். மீண்டும் பேசவோ அல்லது பதில் அளிக்கவோ முற்படாதீர்கள். ஏனென்றால் இதன் மூலமே அவர்கள் தங்கள் முதல் தொடர்பை ஆரம்பிக்கின்றார்கள். ஆகவே ஆரம்பத்திலேயே உங்கள் கணவர், தந்தை, அல்லது உறவினர் அன்றி யாரிடம் இருந்து அவசியமற்ற அழைப்பக்களோ, மெஸேஜோ வந்தால் அவற்றிற்கு தயவு செய்து பதில் அளிக்காதீர்கள் அது எவ்வளவு கவர்ச்சியானதாக இருந்தாலும் சரியே.




8. கடைகளுக்கு செல்லும்போது உங்கள் கணவர்மர்களை பற்றியோ அல்லது குடும்பததினர் பற்றியோ கடையில் உள்ளவர்கள் கேட்கும் கேள்விகளுக்கு பதில் அளிக்காதீர்கள் மிக் கண்டிப்புடன் இது உங்களுக்கு அவசியமற்றது என்று முகத்தில் அடித்தாற்போல் சொல்லுங்கள். உங்கள் கணவர்மார்கள் வெளிநாட்டிலோ அல்லது வெளியூரிலோ இருக்கும் விசயத்தை அவசியமின்றி அந்நியர்களுக்கு சொல்லாதீர்கள் அவர்கள் எவ்வளவு நல்லவர்களாக இருந்தாலும் சரியே.




9. கல்லூரி, பள்ளிகளில் படிக்கும் மாணவிகள் மிகவும் உஷாராக இருப்பது நல்லது , பார்ப்பதற்கு அப்பாவியாகவும், பாவமான தோற்றத்துடனும் உங்கள் மனதில் இரக்கத்தை ஏற்ப்படுத்தும் வகையிலும்தான் இவர்களின் முதல் அறிமுகம் இருக்கும். மிகவும் நல்லவன் , பாவமாக உள்ளது என்று நீங்கள் சற்று இழகினால் போதும் உங்கள் அழிவை நோக்கிய பயனத்தை நீங்கள் துவங்கி விட்டீர்கள் என்று அர்த்தம்.




10. பெரும்பாலும் எந்த சக மாணவனிடமும் உங்கள் தொலை பேசி என்களை தராதீர்கள், அதுபோல் சக மாணவியரால் நல்லவன் என் அறிமுகப்படுத்தப்படும் யாரையும் நீங்கள் ஆண் நன்பர்களாக ஆக்கி கொள்ளாதீர்கள். பெரும்பாலும் இவர்கள் தங்கள் வலையில் வீழந்த மற்ற பெண்கள் மூலமாகவே அடுத்த பெண்னிற்கு தூன்டிலை வீசுகின்றார்கள் என்பதை நீங்கள் கவணத்தில் கொள்ள வேண்டும்.




11. தோழிகள் துனைக்கு வந்தாலும் கூட உங்கள் தோழிகளின் ஆண் நன்பர்களுடன் நீங்கள் வெளியே செலவதோ, உணவருந்த செல்வதோ அவர்களுடன் பேசுவதோ வேண்டாம். உங்கள் தோழிகளின் ஆண் நண்பர்களுக்கும் உங்கள் தொலைபேசி எண்களை கொடுக்க வேண்டாம். ஏனென்றால் இங்கிருந்துதான் தொடர்புகள் ஆரம்பமாகின்றன.




12. உங்கள் தோழியர் எவ்வளவு நெருக்கமாக இருந்தாலும் கூட அவர்களின் செல்போன் மூலம் உங்களை படம் எடுப்பதை அனுமதிக்க வேண்டாம்.முக்கியமாக நீங்கள் தனிமையில் இருக்கும் பொதும் ஆடைகள் கவனமின்றி இருக்கும் போதும். அப்படி படமெடுப்பது தெரிந்தால் உடனடியாக அதை வாங்கி அழித்த விடுங்கள். இது போன்ற நிகழ்வுகளை உடனே பெற்றோருக்கும் சகோதரர்களுக்கும் தெரியப்படுத்துங்கள்




13. முதன்மையாக ஆண்,பெண் இருவருடைய உள்ளத்திலும், செயலிலும் - இறையச்சம், ஈமான் இருக்க வேண்டும்.




14. பர்தா முறையை கட்டாயம் உபயோகப்படுத்துதல். முறையான ஆபாசம் இல்லாத லூசான பர்தாக்களை அணியச் சொல்லுங்கள், பர்தா என்பது அழகை மறைப்பதற்கு டைட்டாக, அறைகுறை ஆடைகளை பர்தா என்ற பெயரில் அணிவது தங்கள் அழகை வியாபாரமாக்கவே செய்யும்.




15. வட்டிக்கு வாங்குவது. தவணை முறையில் வாங்குவது (பைனான்ஸ் போன்வற்றை தவிருங்கள், 






ஓடிப்போகும் அல்லது ஓடிப்போன பெண்களின் நிலை : 


பள்ளி, கல்லூரிகளில் படிக்கின்ற பெண்கள் மார்க்க ஞானமில்லாததாலும், தங்கள் தோழிகள்,தோழர்கள் என்று நம்பியவர்களின் சதி வலையினாலும், அவர்களின் வார்த்தை ஜாலத்தில் ஏமாந்து காமத்தை காதல் என்று நம்பி தனது படிப்பையும், பெற்றோரையும், சகோதரர்களையும், உறவுகளையும் தீராத்துயரில் மூழ்கடித்துவிட்டு அந்தக் கயவனின் பின்னால் ஓடிப்போகின்றாள்/ ஓடிப்போகின்றான்.


இறுதியல் இளமையும், செல்வமும் அனுபவிக்கப்பட்டு தூக்கி வீசப்பட்ட இவள் வீட்டிற்கும் வர முடியாமல், எங்கும் செல்ல முடியாமல் இறுதியில் தனது வயிற்றுப் பிழைப்புக்காக விபச்சாரியாகிறாள் அல்லது தற்கொலை செய்து தனது உயிரை மாய்த்து கொள்கின்றால்.



இந்த அயோக்கியர்களை நம்பி உற்றார் உரவினர்களை துறந்து சென்ற பெண்ணின் இறுதி நிலை உலகிலும் நரகம், மறுமையிலும் நரகம்.




சிந்தியுங்கள....
செயற்படுத்துங்கள்...
மற்றவர்களுக்கும் இதைத் தெரியப் படுத்துங்கள்.....

வாசனைத் திரவியங்களில் பெரும்பாலானவை ஆல்கஹால் கலந்து செய்யப்படுபவையாக இருக்கின்றன. ஆல்கஹால், முக்கியமான கரைப்பானாகவும், எளிதில் ஆவியாகவும், காற்றில் இலகுவாக கலக்கவும், இன்னும் சில பயன்பாடுகளின் அடிப்படையில் வாசனைத்திரவியங்களில் பயன்படுத்தப்படுகிறது. ஆல்கஹால் என்பது அறியப்பட்ட போதைப்பொருள் என்பது அனைவருக்கும் தெரியும். இஸ்லாம் போதைப்பொருள்களை முழுமையாக தடை செய்திருக்கும் நிலையில், ஆல்கஹால் கலக்கப்பட்ட வாசனைத்திரவியங்களை பயன்படுத்துவது கூடுமா என்ற கேள்விக்கு விடை காண்பது அவசியமாகும்.



போதையூட்டக்கூடிய ஆல்கஹாலுக்கு என்ன சட்டமோ, அதே சட்டம்தான் ஆல்கஹால்கலக்கப்பட்ட வாசனைத் திரவியங்களுக்கும் பொருந்தும் என்பதற்கு சான்றுகள் உள்ளன.


நபி صلى الله عليه وسلم அவர்கள் கூறினார்கள
போதை தரும் அனைத்தும் மதுவாகும். போதை தரும் அனைத்தும் ஹராமாகும்.(இப்னுஉமர்(ரலி), முஸ்லிம்)


مَا أَسْكَرَ كَثِيرُهُ، فَقَلِيلُهُ حَرَامٌ
போதை தரக்கூடிய பொருள் அதிகமாக இருந்தாலும், சிறிய அளவில் இருந்தாலும் அது ஹராமாகும்.(ஜாபிர் பின் அப்துல்லாஹ் (ரலி),திர்மிதீ)


இதிலிருந்து போதையூட்டக்கூடிய பொருட்களில் ஒன்றான திரவ வடிவிலுள்ள மது (ஆல்கஹால்) அதிக அளவில் இருந்தாலும் அல்லது சிறிய அளவில் இருந்தாலும் ஹராம் என்பதை விளங்கிக் கொள்ளலாம்.அத்தர் போன்ற வாசனைத் திரவியங்களில் சிறிய அளவில் ஆல்கஹால் இடம் பெற்றிருந்தாலும், அதுவும் போதை தரக்கூடிய ஆல்கஹாலில் அடங்கும் என்பதை தஹ்கீகுல் மனாத் – (تحقيق المناط – establishing the reality) என்னும் யதார்த்தத்தை நிலைநாட்டுதல் என்ற ஷரியா அம்சத்திலிருந்து விளங்கிக் கொள்ளலாம்.




لَعَنَ رَسُولُ اللهِ صَلَّى اللَّهُ عَلَيْهِ وَسَلَّمَ فِي الخَمْرِ عَشَرَةً: عَاصِرَهَا، وَمُعْتَصِرَهَا، وَشَارِبَهَا، وَحَامِلَهَا،وَالمَحْمُولَةُ إِلَيْهِ، وَسَاقِيَهَا، وَبَائِعَهَا، وَآكِلَ ثَمَنِهَا، وَالمُشْتَرِي لَهَا، وَالمُشْتَرَاةُ لَهُ
அல்லாஹ்வின் தூதர் صلى الله عليه وسلم அவர்கள் ‘خمر – மது’ (போதைப் பொருட்கள், சாராயம், ஆல்கஹால் …) சம்பந்தமாக 10 பேர்களை சபித்துள்ளார்கள். 1) மதுவை காய்ச்சுபவர், 2) அதை காய்ச்சுவதற்கு உதவுபவர், 3)அதை குடிப்பவர், 4) அதை புகட்டுபவர், 5) அதை சுமந்து செல்பவர், 6) அதை சுமந்து செல்ல ஏற்பாடு செய்பவர், 7) அதை விற்பனை செய்பவர், 8) அதை வாங்குபவர், 9) அதை வெகுமதியாக கொடுப்பவர், 10) அதை விற்ற பணத்தில் உண்பவர். (அனஸ் (ரலி) நூல்: திர்மிதி)


முஸ்ததரகுல் ஹாகிம் என்ற ஹதீஸ் கிரந்தத்தில் அல்லாஹ் மதுவை சபித்துள்ளான் என்று வந்துள்ளது.ஆல்கஹால் கலக்கப்பட்ட திரவங்களை யாரேனும் குடித்தால் அவருக்கு போதை ஏற்படும் என்பதாக இத்தகைய துறை சார்ந்த வல்லுனர்கள் கூறுகின்றார்கள். போதைப்பொருட்களுக்கு அடிமையான சிலர் இத்தகைய திரவங்களையும், ஆல்கஹால் கலக்கப்பட்ட வாசனைத் திரவியங்களையும் போதைக்காக பயன்படுத்துவதையும் அறிய முடிகிறது.


எனவே தான் நபி صلى الله عليه وسلم இது போன்ற போதையூட்டும் பொருட்கள் அனைத்தையும் குறித்து எச்சரிக்கை செய்துள்ளார்கள்.

كُلُّ مُسْكِرٍ خَمْرٌ، وَكُلُّ مُسْكِرٍ حَرَامٌ
போதை தரும் அனைத்தும் மதுவாகும். போதை தரும் அனைத்தும் ஹராமாகும். . (இப்னுஉமர்(ரலி), முஸ்லிம்)



எனவே போதையூட்டக்கூடிய ஆல்கஹாலுக்கு என்ன சட்டமோ, அதே சட்டம்தான் ஆல்கஹால் கலக்கப்பட்ட வாசனைத் திரவியங்களுக்கும் பொருந்தும் என்பதால், இத்தகைய வாசனைத் திரவியங்களை பயன்படுத்துவதும் மார்க்கத்தில் தடை செய்யப்பட்டதாகும்.

Search

Latest Special Bayans

Ash Sheikh Murshid Mulaffar(Humaidi)

Sainthamaruthu, Grand Jumua Masjith

2014.04.13

Ash Sheikh Murshid Mulaffar(Humaidi)

Sainthamaruthu,Ladies Mathrasa

2014.04.13

Ash Sheikh Kalamullah(Rashadi)

Pottuvil,Markaz

2014.04.10

Ash Sheikh Arkam Noor Amith(Darool Uloom)

Colombo, Wekanda Jumua Masjith

2014.04.08

Ash Sheikh Yoosuf Mufthi(Binnoori)

SLBC, Programme

2014.04.07

Ash Sheikh Yoosuf Mufthi(Binnoori)

SLBC, Programme

2014.03.31

Ash Sheikh Abdur Rahman (Malahiri)

Akkaraipattu,Markaz

2014.03.30

On Facebook

Polls

Visited Guests

Total Visits

Today Visits

Online