Blog

மேற்படி விடயம் சம்பந்தமாக வினவி தங்களால் அனுப்பப்பட்ட 2004.02.17 திகதியிடப்பட்ட கடிதம் இத்தால் தொடர்பு கொள்ளப்படுகிறது.


எல்லாப் புகழும் வல்ல அல்லாஹ்வுக்கே. சலாத்தும், ஸலாமும் அவனின் இறுதித் தூதர் முஹம்மத் (சல்லல்லாஹு அலைஹி வஸல்லம்) அவர்கள் மீதும், அவர்களது கிளையார்கள், தோழர்கள் மீதும் உண்டாவதாக!


தாடி வளர்ப்பது நபிமார்களதும், குறிப்பாக இறுதி நபி முஹம்மத் (சல்லல்லாஹு அலைஹி வஸல்லம்) அவர்களதும் ஒரு சிறப்பான ‘ஸுன்னஹ்’ ஆகும். இதனை வளர்ப்பது கடமை என்பதையும், சிரைப்பது ஹராம் என்பதையும் பின்வரும் ஹதீஸ்கள் உறுதி செய்கின்றன:


‘நபி (சல்லல்லாஹு அலைஹி வஸல்லம்) அவர்கள் மீசைகளை கத்தறிக்குமாறும், தாடியை வளர்க்குமாறும் ஏவினார்கள்’ என்று அப்துல்லாஹ் இப்னு உமர் (ரழியல்லாஹு அன்ஹுமா) அவர்கள் அறிவித்துள்ளார்கள். (சஹீஹு முஸ்லிம், ஹதீஸ் எண் : 259, ஸுனனுத் திர்மிதி, ஹதீஸ் எண் : 2765)


 


‘இணைவைப்பவர்களுக்கு மாறுசெய்யுங்கள் மீசைகளைத் கத்தறித்துக் கொள்ளுங்கள், தாடிகளை வளருங்கள்’ என்று நபி (சல்லல்லாஹு அலைஹி வஸல்லம்) அவர்கள் கூறியதாக அப்துல்லாஹ் இப்னு உமர் (ரழியல்லாஹு அன்ஹுமா) அவர்கள் அறிவித்துள்ளார்கள். (சஹீஹு முஸ்லிம்)


 


‘மீசைகளை வெட்டிவிடுங்கள், தாடிகளை வளர விடுங்கள், நெருப்பு வணங்கி (மஜூஸி;) களுக்கு மாறுசெய்யுங்கள்’ என்று நபி (சல்லல்லாஹு அலைஹி வஸல்லம்) அவர்கள் கூறியதாக அபூ ஹுரைரா (ரழியல்லாஹு அன்ஹு) அவர்கள் அறிவித்துள்ளார்கள். (சஹீஹு முஸ்லிம்)
தாடியை சிரைப்பது பாரசீகர்களது வழமையான நடைமுறையாகும். இதனை இஸ்லாமிய ஷரீஆ தடைசெய்துவிட்டது. ஹதீஸில் கையாளப்பட்டுள்ள ‘தாடிகளை வளர விடுங்கள்’ என்ற சொற்பிரயோகமும் இதனையே உறுதி செய்கின்றது என்பதுவே பெரும்பாலான மார்க்க அறிஞர்களது தீர்ப்பாகும்’ என்று இமாம் அந்-நவவீ (ரஹிமஹுல்லாஹ்) அவர்கள் சஹீஹு முஸ்லிமிற்கான தனது விரிவுரை நூலில் குறிப்பிட்டுள்ளார்கள்.


(ஷர்ஹு சஹீஹி முஸ்லிம் : பா : 03, பக் : 151)


‘தாடியை சிரைப்பது ‘மக்ரூஹ் தஹ்ரீம்’ (ஹராம் எனும் தரத்தை நெருங்கியது) என்று இமாம் அபூ ஹனீஃபா (ரஹிமஹுல்லாஹ்) அவர்களும், தாடியைச் சிரைப்பது ‘ஹராம்’ ஆகும் என்று இமாம்களான மாலிக், அஹ்மத் (ரஹிமஹுமல்லாஹ்) ஆகியோரும் குறிப்பிட்டுள்ளனர்.


(அத்-துர்ருல் முக்தார் : பாகம் : 02, பக்கம்; : 155,


அல்-ஃபிக்ஹுல் இஸ்லாமிய்யு வஅதில்லத்துஹு : பா :04, பக் : 2659)


எனினும், தாடியில் மேலதிகமாக உள்ள பகுதிகளை சீர்செய்து கொள்ளவும் அனுமதி உண்டு. இதனை பின்வரும் தகவல் தெளிவு படுத்துகின்றது:


‘ஹஜ்ஜோ, உம்ராவோ நிறைவேற்றினால் அப்துல்லாஹ் இப்னு உமர் (ரழியல்லாஹு அன்ஹுமா) அவர்கள் தனது தாடியை ஒரு பிடியளவு பிடித்துக் கொண்டு அதிகமுள்ளதை வெட்டிவிடுவார்கள்’.


(அல்-ஃபிக்ஹுல் இஸ்லாமிய்யு வஅதில்லத்துஹு : பா : 01, பக் : 462)


தாடியை அது இயற்கையாக எப்படி வளர்கின்றதோ அப்படியே அதனை வளர விடவேண்டும். அதில் ஒரு சிறு பகுதியையும் எடுத்தலாகாது என்று சில அறிஞர்களும், தாடியை சிரைப்பது மக்ரூஹ் ஆகும் என்று வேறு சில அறிஞர்களும் கூறியுள்ளனர்.


அத்துடன் தாடியை ஒரு பிடியை விடக் குறைப்பது ஆகுமானதல்ல என்பதுவே பெரும்பாலான மார்க்கச் சட்ட அறிஞர்களது ஏகோபித்த கருத்தாகும். அவர்களது ஏகோபித்த அபிப்பிராயத்துக்கே ‘இஜ்மாஃ’ என்று சொல்லப்படும். தாடியை வளர்ப்பது கடமை (வாஜிப்) என்பதற்கும், அதனை சிரைப்பது தடுக்கப்பட்டுள்ளது (ஹராம்) என்பதற்கும் மேற்படி ‘இஜ்மாஃ’ வே ஆதாரமாகும் என்று மற்றும் சில அறிஞர்கள் குறிப்பிட்டுள்ளனர்.


அல்லாஹ்வே நன்கு அறிந்தவன்.


வஸ்ஸலாமு அலைக்கும் வரஹ்மத்துல்லாஹி வபரக்காத்துஹ்.
more>>http://www.acju.lk/ta/fatwa-ta/shaving-the-beard/